Udako oporraldiak igaro ostean, urte hasieran martxan jarritako sexologiari buruzko informazio eta aholkularitza zerbitzua martxan jarri du berriro Getxoko Udalaren Berdintasun Zerbitzuak. “Helburua adin guztietako pertsonei laguntza ematea da, sexualitatez gehiago goza dezaten, beraien nahiekin eta interesekin lan eginez edo sexu zailtasunak gaindituz; zalantzek, aurreiritziek edo informazio faltak berak zailtasunak ekartzen baitituzte norberaren sexualitatea eraikitzeko garaian”, azaldu dute tokiko iturriek. Antisorgailuei buruzko oinarrizko informazioa ere eskainiko diete eskatzen dutenei. Zerbitzua adin guztietako lagunentzat, gizonentzat zein emakumeentzat, egongo da zabalik, Algortako Martikoena kaleko 16. zenbakian, Alangoko osasun zentroaren ondoan. Arratsaldez irekiko dute, 17:00etatik 20:00etara; eta garrantzitsua da aldez aurretik hitzordua eskatzea. Telefono zenbakia ondokoa da: 944 660 137. Eta posta elektroniko helbidea: sexuinfo[abildua]getxo.net. Argazkian, Sopelan ere badaukate sexu aholkularitza zerbitzua / © Goiz Argi Komunikazioak.
Sexologia alorreko profesional batek erantzungo ditu galderak eta, horiek, konfidentzialak izango dira. Kontsulta bat egin nahi duten pertsonek telefonoz, e-postaz edo elkarrizketa pertsonalen bitartez (indibidualak, bikotean edo lagunekin) egin ahal izango dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun