Urriaren 3an Zalama mendira joango dira matrakokideak

Joseba Sanchez "Matrako" oroitzen duen mendi taldeko lagunak Kantabria, Burgos eta Bizkaia arteko muga markatzen duen 1.336 metroko Zalama mendira joango dira bi igande barru, urriaren 3an. Horrenbestez, txangoa goizeko 8etan hasteko asmoa daukate eta horretarako Plentziako metro geltokian jarri dute hitzordua. Txangoan parte hartzeko, Goñi Portal kultur etxean izena eman daiteke, asteartea (irailak 28) baino lehen. Ordutegia 10:00etatik 13:00etara eta 17:00etatik 19:00etara da, eta telefono zenbakia 946 775 541. Salneurriari dagokionez, 10 euro ordaindu beharko dituzte matrakokideek. Argazkian, Matrako Mendi Taldeko hainbat lagun Txindokin (Gipuzkoa) / © Matrako Mendi Taldea.