Udal batzarra amaitu aurretik, Andra Mari Gure Lurra elkartekoek idatzi bat irakurri dute. Bertan hitzarmena ontzat eman dute, “guretzat jabeontzat, HAPOren berrazterketa hasi aurreko fase hauetan, akordiorik onena izan daitekeenetik hurbil dagoelako”. Elkartekoek Imanol Landa alkateari eta Luis Almansa PSE-EEko bozeramaileari eskerrak eman dizkiete, “berba egiteko eta akordioak bilatzeko euren jarreragatik” eta alderdi politiko guztiei lan egiteko aipatu bidetik abia daitezen eskatu diete, "ahal den HAPOren berraztertzerik onena lor dezagun”.
Hitzarmenaren mamia
Udalbatzak honako hau erabaki du:
1.- Lehenetsi behar diren eta oinarrizkoak diren irizpideen artean dauden etxebizitzen mantentze-lana deklaratzea, Getxoko Plan Nagusi berriak Andra Mariko lurzoru urbanizagarriaren egungo esparrurako zehazten duen hirigintzako formulazioaren gainean kontuan hartu beharrekoa. Irizpide hori nahastuko da hiri-antolamendu berritik sor daitekeen ingurune berrituarekin dauden etxebizitzen integrazio egokiarekin eta espazio-kohesioarekin.
2.- Aipatutako irizpidea Plan Nagusiaren idazketa-taldeari helaraztea, Udalaren kanpoko kideei, nahiz dokumentu hori lantzen parte-hartzen duten udal-langileei ere.
Azaldutako xedeari erantzunez gainera, idazketa-taldeari zera iradokiko diote: Andra Mariko lurzoru urbanizagarrian bildutako eraikuntzak daudela kontuan hartuz, hirigune berri moduan kalifikatzeko aukera kontuan har dezala, bai eta jada badiren hiriguneetan haien mugetatik oso gertu duten kokapenaren etxebizitzak barnean hartzea ere.
3.- Lehen puntuan aipatutako irizpideari erantzuna emango dion terminoak erabaki ostean, etxebizitzak berritzeko edo mantentzeko eskatzen diren lizentziak ematea aztertuko da, betiere indarrean dagoen legeriari jarraiki.
4.- Hirigintzako jarduketen egikaritzeak ohiko bizitoki diren etxebizitzen legezko okupatzaileak ateratzea eskatzen duten aparteko egoerarako, berriz etxean sartzeko eskubidea bermatuko da, alor horretan indarrean dagoen legezko esparruan ezarritako terminoetan.
Andra Mari Gure Lurra eta Udalaren arteko akordioa berretsi du Getxoko Udalbatzak
EAJ, PSE-EE eta Alternatiba alderdien aldeko botoekin, Andra Mari Gure Lurra elkarteak eta tokiko Gobernu Taldeak adostutako hitzarmena berretsi du Getxoko Udalbatzak. Horren arabera, Getxo inguruan "egun dauden etxebizitzan mantentzeari emango zaio lehentasuna", Hiri Antolamendurako Plan Orokorra (HAPO) berraztertzeko orduan. Udal iturriek zabaldutakoaren arabera, alde bozkatu duten alderdiek "pozik" daude uste dutelako hitzartutakoa "onuragarria, zentzuzkoa eta arduratsua" izango dela auzokideentzat. PPk baino ez du erakutsi desadostasuna akordioaren, puntu bakarrean gainera, bere ustetan ez baitu Getxoko etxebizitzen etorkizuna bermatzen. Argazkian, udal batzarra Getxon, aurreko batean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun