Elkarretaratzearen argazkiak
Erika Bilbaoren atxiloketa eta horrek pairatutako torturak salatzen zuen panel bat jartzeagatik goizean atxilotutako bi gazteak bihar eramango dituzte epailearen aurrera. Leioako Amnistiaren Aldeko Mugimenduak jakinarazi duenez (mp3), oraingoz Erandio Landako Ertzain-hirian dituzte Asier Izquierdo eta Oier Bidaurrazaga. Abokatua haiekin izan da eta egoera onean daudela baieztatu du, halere komisarian gaua pasa dezaten hartutako erabakia kritikatu du. Adierazpenak Etxeraten ohiko azken ostiraleko elkarretaratzean egin dituzte, Ertzaintzak eragotzi baitu gaur Leioan deituta zegoen tortura salatzeko manifestazioa. Hogei bat ertzainek, Brigada Higikorrekoak zein arruntak, kargatzeko mehatxua egin diete birritan Boulevard-ean agertu diren 100 auzokideei eta haietako bi identifikatu dituzte. Gainera, "Torturarik ez! Erika torturatua!" zioen pankarta eskuetatik kendu eta eraman dute (argazkian), "ilegala" dela argudiatuta. Halere, AAMk datorren ostiralerako deitu du berriro torturaren, jazarpenaren eta eskubide murrizketaren aurkako manifestazioa. Bestalde, eskualdean zehar dozenaka lagun gehiago atera dira euskal preso politikoen eskubideen alde.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun