Gaua Erandio Landako Ertzain-hirian igaro ostean, gaur goizean Getxoko epaitegitik pasa eta libre utzi dituzte atzo Leioan atxilotutako Asier Izquierdo eta Oier Bidaurrazaga, beraien kontrako ekinbide judizialak aurrera jarraitzen duten arren. Amnistiaren Aldeko Mugimenduak (AAM) "goitik behera" gezurtatu du Ertzaintzaren bertsioa. "Bi herritarrak tortura testigantzak jasotzen zituen panel bat jartzen ari ziren eta inongo unetan ez zen euskal preso politikoen argazkirik egon. Bestalde, gezurra da gazteak Ertzaintzari oldartu zitzaizkiela. Jende pila bat zegoen kalean ordu horretan eta gertaturikoaren lekuko asko daude", azaldu du errepresioaren kontrako mugimenduak. Libre gelditu direnean Ertzaintzaren aurkako salaketa jarri dute bi gazteek, "legez kanpoko atxiloketa" jasan dutelakoan. Argazkian, atzo Leioan jarritako pankarta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun