Kontakizun guztiak www.kontalaria.com webgunean ikusi ahal izango dira, eta batzuk EiTB taldeko kanaletan ere emango dituzte. Halaber, 20 udalerrietan ibilbidea bukatzen denean, abenduaren 3an, kontakizunak argitaratu, editatu eta ipuin kolektiboko forma emango zaie. Bestalde, Bego Muruaga Eusko Jaurlaritzako Euskara Sustatzeko zuzendariak azaldu du "Kontalaria" proiektua "oinarrizko bi estrategiari" erantzuna eman nahi diela: "alde batetik, herritarrei adierazpen tresna bat ematea lengoaia ludikoa eta normalizatua bultzatuz; eta bestetik, eguneroko espazio publikoetara hurbiltzea kalearekiko ekintza zuzenaren bidez". Azkenik, Fran Lasuenek hartu du hitza eta egitasmoaren nondik norako guztiak zehatz-mehatz azaldu ditu. "Ilusioz eta indarrez" ekingo dio egitasmoari eta espero du herritarrek ere gogoz erantzutea: "Euskara bultzatzeaz gain, argi dago gozatzeko eta ondo pasatzeko proiektua dela 'Kontalaria', beraz herritar guztiak animatu nahi ditut bertan parte hartzera".
Blanca Urgellek hasita
Prentsaurrekoa amaitu ostean, kamioia, hau da, ipuinak kontatzeko espazioa bisitatu ahal izan dute kazetariek eta bertan Blanca Urgell sailburuak hasiera eman dio proiektuari ipuin baten hasieraren kontakizunarekin:
"Bazen behin neskato nigeriar bat Mercy izena zuena, bere amarekin Euskadira etorri zena. Egun batean iritsi zen eskolara lehenengoz joan beharra. Eskolakideak agurtzen zituen, baina ez zuten elkar ulertzen. Mercyk yorubaz hitz egiten zuen, bere kideek ulertzen ez zuen hizkuntza batean.
Kezkatu egin zen. Eta horrela kezkatuta sartu zen ikasgelan, pentsa eta pentsa nola lortuko zuen lagunekin komunikatzea. Andereñoa sartu baina lehenago eseri zen bere tokian, eta hara non aurkitzen duen mahaian liburu bat, liburu magiko bat. Liburua ireki eta... hantxe ipuinaren hasiera!".
Eremu publikoan euskararen erabilera sustatuko asmoz, "Kontalaria" egitasmoa eratu du Eusko Jaurlaritzak. Ekimenak 20 bat udalerri bisitatuko ditu urriaren 2an hasita, eta bere beste helburuetako bat ipuin kolektibo bat sortzea izango da. Besteak beste, Getxo udalerrira ere helduko da "kontalaria", baina oraindik ez dute data zehatzik eman. Blanca Urgell Kultura sailburuak egitasmoaren prentsaurrekoan azaldu duenez, "inposizioetatik kanpo, limurtzea da jarraitu beharreko bidea hizkuntza bat irakatsi edo ikasterako orduan". "Askotan errepikatu dugu, Jaurlaritza honen hizkuntza-politika limurtzean, hitzaren balioan eta hizkuntza ikasteko poztasunean oinarritu behar da", gaineratu du. Ekimenean parte hartzen duen orok kamera bat eta pantaila bat izango ditu ipuin bat kontatzeko. Hala ere, gaia ez da librea izango, parte-hartzaileek aurreko kontakizuna jarraitu beharko dutelako, aurretik parte hartu duen pertsonaren azken esaldia entzun ondoren. Argazkian, ezkerretik eskuinera, Blanca Urgell Eusko Jaurlaritzako Kultura sailburua, Fran Lasuen ipuin-kontalari eta musikaria eta Bego Muruaga Hizkuntza Politikarako Sailburuordetzako Euskararen Sustapenerako zuzendaria, "Kontalaria" egitasmoaren gune ibiltariaren parean / cc-by Irekia.net - Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun