Eusko Jaurlaritzak aldi baterako debekatu du itsaskiak biltzea, Hondarribia, Mundaka eta Plentziako estuarioetan, Azti-Tecnaliak 1990etik aldian-aldian egiten dituen zientzia azterlanei eta kontrolatzen dituen ingurumen parametroei erreparatuta. Hala ere, Butroeri dagokionez, hainbat tokitan utziko dute oraindik moluskuak batzea, baldin eta hartutakoan garbitu egiten diren. Horrenbestez, bokale eta Arrainola arteko gunean egongo da baimenduta; portuan, ordea, ez. Eusko Jaurlaritzako Ingurumen, Lurralde Plangintza, Nekazaritza eta Arrantza Sailak gaur adierazi duenez, ekoizpen-eremu horietan, aldi baterako ezingo da ostrak, datilak, berberetxoak, muxilak eta txirlak bildu. Muskuiluak hartzea, berriz, Euskal Autonomia Erkidego osoan debekatuta dago. Argazkian, hainbat arrantzale Plentziako itsasadarrean / cc-by aherrero.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun