Bitartean, gaur goizean prentsaurreko masiboa egin du Gasteizen Askapenak. Erakunde horrek hamarnaka eragileren atxikimendua jaso du, zazpi militante internazionalisten "bahiketaren" aurrean.
Askapenak irakurritako adierazpena:
Ezer baino lehen egunotan Askapenak zein atxilotuak jasotako babesa eskertzea nahiko genuke eta zazpi militanteei zein beren senitarteko eta lagunei besarkada bat bidali.
Eragileen ordezkaritza zein jendearen partehartze izugarri honekin batera estatu espainiarraren totalitarismo eta demokrazi eza salatzea dugu helburu. Herri mugimenduei zein herri oso bati egindako eraso honen aurrean plantea egin eta Euskal Herri internazionalista bat eraikitzeko prozesuan euskal internazionalistok tinko jarraituko dugula adierazi nahi dugu.
Ezin dugu ahaztu ere kolpe honek duen helburu zikin bikoitza. Batetik herrion arteko elkartasunaren kriminalizazioa. Jakina bait dugu klase dominatzaileek zein mekanismo errepresibo jartzen dituzten martxan inperialismoaren oinarri zein interesak kolokan jartzen dituen ororen aurrean, hemen, Venezuelan zein Palestinan. Bestalde Euskal Herriak nazioartetik jasotzen duen elkartasunarekin amaitzea nahiko lukete. Gure herrian ematen ari den askapen prozesu honen une politiko honetan oso garrantzitsua delako kanpotik jasotzen dugun elkartasuna eta estatu espainiar zein frantsesaren izaera antidemokraikoa salatzen dutenen ahotsak ere isilarazi nahi dituztelako.
Gabi Basañez eta atzoko beste sei atxilotuak bihar eramango dituzte epailearen aurrera
Gaur iluntzean ere dozenaka gizon-emakumek, deitzaileen arabera 200 inguruk, egin dute manifestazioa Algortako kaleetan, Gabi Basañezen eta Askapenaren kontrako atzoko polizia operazioan atxilotutako beste sei euskal herritarren askatasuna aldarrikatzeko. Hain zuzen, protesta bukatuta jakinarazi du Amnistiaren Aldeko Mugimenduak (AAM) zazpi lagunak bihar, goizeko 9:30etik aurrera eramango dituztela Pablo Ruz epailearengana. Hala ere, ez dute biharko deialdia bertan behera utziko. Manifestaziorako hitzordua 20:00etan jarri dute Telletxen. Bestalde, gaur Villabonan eta Usurbilen izandako hiru atxiloketak ere gogoan izan dituzte. Ildo horretan, azken egunotan "Euskal Herriak jasaten ari den errepresioa" salatzeko, larunbatean, urriaren 2an, Bilbon deitutako eskubide guztien aldeko manifestaziora joateko deia luzatu dute. Martxa 17:00etan abiatuko da Aita Donostia plazatik. Argazkian, herenegungo manifestazioa Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun