Hala ere, ez diegu utzi behar! Gure eskuetan dago. Holako operazioei eman dakieken erantzunik onena lanean jarraitzea da. Euskal Herri euskalduna eta librea nahi dugu; behar dugu, ezinbestez. Eta noski, atxilotu guztiak gurekin nahi ditugu, kalean!
Bukatzeko gure besarkadarik beroena helarazi nahi diogu Gabi eta bere familiari, jakin dezatela ez dagoela/daudela bakarrik.
Koldo Rodriguez eta Joxemi Campillo Hau Pittu Hau konpartsako kideak.
Oraingo honetan, gure konpartsakidea den Gabi eraman dute, beste sei lagunekin batera. Edozein koloretako poliziek ohikoa duten moduan, gaueko iluntasunaz baliatu dira gure lagunak eta senideak bahitzeko. Armaz josita etorri dira berriro ere. Armak hitzen kontra. Zelako balentria! Berehala hasi dira erregimeneko komunikabideak, NO-DOaren garaietan bezala, inork sinesten ez duen diskurtso ofizial bakarra zabaltzen. Azken finean, etengabeko gezurren bidez estali behar dute injustizia. Euskal Herriaren alde egindako lan politikoa kriminalizatzen ari dira, desaktibatzeko helburuarekin. Dena da ilegala, dena delitua. Gaur beraiek izan dira bahituak, bihar gutariko edonor. Ez dago mugarik. Beldurra zabaldu nahi dute euskal gizartean, etsipena nagusitu dadin. Argazkian, Gabi Basañez bertso saio batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun