Pablo Ruz epailea goizeko 11ak aldera hasi da Askapenaren kontrako polizia operazioan atxilotutako zazpi euskal herritarrei deklarazioa hartzen, iturri judizialak aipatuz Europa Press albiste agentziak zabaldu duenez. Gabi Basañez algortarra ere atzeman zuten astearte goizaldean, "ETAren nazioarteko aparatua osatzea" eta, zehazki, "FARC eta mugimendu bolibartarrekin harremanak izatea" egotzita. Zazpi lagunak Auzitegi Nazionaleko 5. Instrukzio Epaitegiaren esku utzi dituzte, Espainiako Poliziaren eskuetan hiru egun inkomunikatuta eman ostean. Beste batzuen artean, "Zutik Euskal Herria" adierazpena Europa, Erdialdeko Amerika eta Hego Amerikako hainbat herrialdetan zabaltzea egozten diete; Mitchell senatariaren printzipioetan oinarrituta, euskal gatazkari irtenbidea emateko ezker abertzalearen ekimena, alegia. Argazkian, gaur ere manifestazioa egingo dute Algortan, 20:00etan Telletxetik abiatuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun