Antolakuntzak janaria prestatzeko bakailaoa eta olioa eskainiko ditu eta horren elaborazioa parte-hartzaileen eskuetan geratuko da. Kazolak 13:30ean aurkeztu beharko dituzte. Txoko irabazleak 1.500 euroko balioa duen gutizien sorta jasoko du. Ordu erdi lehenago, Ana Ariasi, "Cuentame" telesailean Paquitaren rola antzezten duen aktorea, sari bat emango diote. Telesaioan “herriko sukaldaritzaren jakituria erakusten" duelako antolatzaileen iritziz.
14:00ak aldera “Zinemako Pintxoak” izeneko lehiaketaren irabazlea ezagutzera emango dute. Horren finalistak dira: “Alien, el octavo pasajero”, Mi Gaea jantokiarena; “Buscando a Nemo”, Tamarisesena; “Hasta la Victoria Secret”, Dando la brasarena; “SPrako tranbia”, Tabernaberrirena eta ”El Padrino”, Maddirena.
Larunbateko jardunaldia 20:30ean bukatuko da Areetako Eskoletako plazan eskainiko den “Julie y Julia” pelikularen proiekzioarekin. Nora Ephronek zuzenduta, Meryl Streep eta Amy Adams dira protagonistak. Ikusleei errezeta-liburua oparituko diete.
Bihar, larunbata, Areetako Eskoletako plazan Cinegourland-Zinema eta Gastronomiaren ikus-entzunezko jaialdiaren azken txanpa izango da. Goizeko 11etatik aurrera, munduko kafe onenei eta pelikula mitikoei omenaldia eskainiko diete "Zinemako kafeak" dastatze herrikoia dela medio. Ordu berean, “El secreto de sus txokos” lehiaketa hasiko da. Ekimen horretan, udalerriko txokoetako kideek bakailaoa pil-pil eran egiteko duten trebezia erakutsi behar izango dute. Lehiaketaren lehenengo edizioa izango da eta "oso harrera ona" eduki du udalerriko txokoen artean, udalerriko 14 gastronomia elkartek izena eman baitute bertan parte hartzeko, Udalak jakinarazi duenez. Argazkian, Imanol Landa Getxoko alkatea eta Pepe Barrena 2010eko Cinegourland jaialdia aurkezten / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun