Aurten Palestinan izan gara Askapenak bideratutako kultura brigadan. Oraingoan talde handi bi izan gara. Bertako kulturgileekin batzartu, egoera politikoaren berri izan, bertso saioak, kontzertuak, dokumentala... Berriz ere, elkartasuna jaso eta emateak zoriontsu egin gintuen are-lurren sargoripean.
Brigada batean zein bestean, atxilotu dituzten Askapeneko kideen lanak bi izan dira. Batetik, bertako egoerari buruzko informazioa eman, ikuspegi historikoa, alderdi bakoitzaren jarrera, internazionalismoaren balioak, GKEen kapitalismoaren "Troyako zaldi" papera azaldu... ezagutzera gindoazen errealitatea ulertzeko bitarteko intelektualak eman dizkigute. Bestetik, Eiren zein Palestinan geunden bitartean neba-arreba legez zainduko gintuen jendearekin loturak egin eta aditu izugarri interesgarriak ezagutzeko ateak zabaldu dizkigute. Baina kasurik gehienetan eurek ez dute gurekin bidaiatzen.
Alegia, munduan zehar ez dakit zein delitu egiten ibili garenak hamarkada hauetan brigadista izan garen milaka lagunak gara. Gu izan gara Askapenaren aho eta belarriak.
Beraz, Auzitegi Nazionaleko bele beltzok, zuen atxiloketa kamioiei itxaroten gaude.
Fredi Paya bertsolari algortarrak atzo "Berria" egunkarian argitaratutako artikulua.
[© Fredi Paya - Berria.info] Gaur maputxeen gainean idatzi gura nuen. Nazio kontzientzia isiotu dien multinazionalen aurkako borroka eta euren preso politikoak burutzen dabiltzan gose greba hartu nahi nituen berbabide. Pinocheten oinordeko mozorrotuen terrorismo elearen erabileraz, Asel Luzarragaz izkiriatzea zen asmoa. Baina zein zentzu dauka atzerriko egoeren aipamenak haizeak eroaten dituen berbak ekintza bihurtzeko tresnarik ez badugu? Hamazazpi urterekin hartu nuen parte lehenengoz Askapeneko brigada baten, 1998an. Irlandako Iparrera joan ginen bake prozesua kolokan zela. Talde txikia ginen, abuztuan bi gradutan egoteak espiritu internazionalista hozten ei dio jendeari. Bertan ezagutu nuen auto bonba baten eztanda zer den, denbora gelditzen den segundo amaigabe horren lazgarria. Bertan ikasi nuen "whistlea" jotzen. Eta garrantzitsuagoa dena, bertan ikasi nuen herri zapalduen arteko elkartasuna zein ederra den. Argazkian, 2009ko brigadista batzuk agerraldi batean / © Askapena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun