Baina, Berango Atletismo Taldeak antolatutako probak interes handiagoa izan zuen gizonezkoen kategoria nagusian. Izan ere, lasterketa erritmo bizian abiatu zen, Worknueh etiopiarrak bigarren bueltan kontrola hartu zuela. Bere atzean, Jordan Santos eta Ivan Fernandez euskal herritarrak atera ziren talde txiki baten barruan. Halere, azken bueltan, Jesus Españak hartu zuen aurreneko lekua, Casado 1.500 metrotako Europako txapelduna atzean zuela. Esprintean, Casado eta Worknuehi nagusitu zitzaien.
Sailkapen nagusiak:
Emakumezkoak
1. Adrienne Herzog (Herbehereak), 5'02".
2. Marta Tigabea (Etiopia), 5'03".
3. Khadija Rahmouni (Herrialde Katalanak), 5'07".
4. Isabel Macias (Aragoi), 5'08".
5. Irene Alfonso (Asturias), 5'08".
Gizonezkoak
1. Jesus España Cobo (Gaztela), 4'21".
2. Arturo Casado Alda (Gaztela), 4'22".
3. Firkre Worknueh (Etiopia), 4'23".
4. Jordan Santos (Euskal Herria), 4'24".
5. Ivan Fernandez (Euskal Herria), 4'25".
Bigarren urtez jarraian, Adrienne Stefanie Herzog herbeheretarrak irabazi zuen larunbatean jokatutako Berangoko Nazioarteko Milia. Gizonezkoei dagokienez, Jesus España espainiarrak eskuratu zuen lehenengo posizioa. Herzogek lehenengo unetik kontrolatu zuen lasterketa, Marta Tigabea etiopiarra eta Herrialde Katalanetako Khadija Rahmouni atzean zituela, gertu. Helmugatik bi bueltara, erasoa bota zuen holandarrak eta katalana atzean utzi zuen. Tigabeari, ordea, esprintean nagusitu zitzaion. Argazkian, Herzog / © Adrienne Stefanie Herzog.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun