Matrikulaziorako diru-laguntzak
Udalak euskara ikasteko diru-laguntza mota batzuk eskaintzen ditu. Alde batetik, 12 urte edo gutxiagoko seme-alabak dituzten gurasoei, haur zaintzaileei edo haurrak zaintzen dituzten familiartekoei, pediatrian eta ginekologian lan egiten duten sendagileei eta erizainei, haurtzaindegietako langileei eta ikastetxeetan irakasle ez diren langileei eta haurrekin zerikusia duten beste langile mota batzuei zuzendutakoak. Bigarrenez, ikasketak amaituta, lan-merkatuan sartu nahi duten 18 eta 23 urte bitarteko gazteentzat daudenak. Oinarrizko maila duten eta sakondu nahi dutenei ematen diete laguntza.
Etorkinak euskarara eta euskal kulturara hurbildu nahi dituzten Aisa ikastaroetarako eta merkatariei eta ostalariei zuzendutako Dendaketan ikastaroetarako diru-laguntzak ere ematen ditu.
Getxoztarrek euskara ikasi ahal dezaten 20.000 euro gehiago inbertituko ditu aurten Getxoko Udalak. Izan ere, toki iturriek zabaldu dutenez, euskara ikasteko egindako eskaeren kopurua %20 handitu da iaztik hona. Gainera, "gehien areagotu den kopurua baliabide nahiko ez duten lagunena izan da, 2009an 170 izatetik aurten 230 izatera pasa baita", udal agintariek jakinarazitakoaren arabera. Bestalde, ume txikien gurasoek eskatutakoena 95etik 109ra igaro da eta 18 eta 23 urte bitarteko gazteena 50 eskaeratatik 66tara, "azken horien lan merkatuan sartzera laguntzeko. Agian krisiak bere eragina eduki du herritarrek ikasteko denbora gehiago izateko eta lanpostu bat lortzeko prestatzeko ere", baloratu dute Udaletik. Guztira, 105.000 euro banatuko ditu Udalak, iaz baino %23,53 gehiago, "interesa duten udalerriko bizilagunen euskalduntze prozesuaren alde" jokatuz. Argazkian, Jose Antonio Agirre euskaltegiko ikasleak Sarea Josten ekimeneko erakusketan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun