Etzidamu, larunbatarekin, jaialdi antifaxista antolatu du Sare Antifaxistak, Leioako Udondo gaztetxean. Urriaren 12a ate jokan dagoela, "arraza eta inperialismoaren egunaren kontra"-ko egitarau zabala prestatu dute. Jardunaldi Antifaxistaren seigarren edizio hau goizeko 11etan abiatuko da, kolektibo alternatiboek beren materiala erakutsi eta saltzeko tokia izango dutela. Eguerdian, "Maputxe herria, historia eta gaur eguneko borroka" hitzaldia eskainiko dute Komite Internazionalistek eta Askapenak. Solasaldiaren ostean, 15:00ak aldera, bazkari herrikoia izango da eta arratsaldeko 7etan 121 Krew, Goienetxe Anaiak eta Norte Apache taldeek alaituko dute gaua. Kontzertuak bukatzean musika antifaxista izango da. Sarrera 4 eurotan erosi ahal izango da gaztetxeko atean bertan. Kolektiboek beren materiala erakusteko tokia nahi izatekotan e-mail bat bidali ahal izango dute antifaxista.ekintza[abildua]gmail.com posta elektronikora. Argazkian, 2008ko jardunaldi antifaxista.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun