Gautxoriak elkarteak eta Nabarraldek antolatutako "Nafarroa, euskal estatua" erakusketaren barruan, "Independentzia: atzo, gaur eta bihar" izeneko hitzaldia emango du gaur Erandion Floren Aoiz politikan adituak. Ekitaldia Erandioko udaletxe azpiko erakusketa-gelan izango da, arratsaldeko 7:30ean. Bihar ere, erakusketaren amaiera dela eta, aparteko ekimenak izango dira. Horrela, euskal kantak kalerik kale abestuko dituzte La Plaza tabernatik abiatuta, 19:30ean. Jarraian, pintxo-jana egin eta 21:00etan ekimenari amaiera emango diote Fermin Valenciarekin, erakusketa gelan. Bitartean, erakusaretotik oraindik pasatu ez dutenek aukera dute oraindik bertaratzeko. Horretarako ordutegia 18:00etatik 20:00etara da. Hala ere, taldeentzat, hitzartutako ordutegiak ere izango dira, 619 353 690 telefono zenbakira deituz. Argazkian, Floren Aoiz / © Gautxoriak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun