Bihar, ostirala, ere bi ekimen izango dira. Larrabasterrako Plaza Beltza herri kulturgunean maputxeei buruzko hitzaldia izango da 18:00etan. Ordu bat beranduago, "Internazionalismoa ez da delitua! Atxilotuk askatu!" manifestazioa abiatuko da Iruñeko Gaztelu plazatik.
Era berean, larunbatean, VI. Egun Antifaxistaren baitan, "Maputxe herria, historia eta gaur eguneko borroka" hitzaldia emango dute goizeko 12etan, Leioako Udondo gaztetxean.
Urriaren 12a
Asteartean, hilaren 12an "Hispanitatearen Eguna deritzotena salatuko du Independentistak sareak, "data horrek hasiera eman ziolako kulturen deuseztatzeri, lurren lapurretari, esplotazioari eta Ameriketako bertako jatorrizko herrien aurkako ia desagertzerainoko sarraskiari". Era berean, "amerikar herri eta nazioen independentzia prozesuen hasieraren bigarren mendeurrena betetzen den une honetan, oroitzapen hau ospatzeko eta hiru mendetako espainiar domeinuaren amaiera ekarri zuen amerikar herriaren, Abya Yala-ren, izugarrizko borroka omentzeko" asmoa azaldu dute. Horretarako, "Guk ere independentzia" lelopeko Martxa Berdea egingo dute asteartean, 17:00etatik aurrera, Golem zinematik. Besteak beste, euskal jatorriko Simon Bolibar askatzailea omenduko dute.
Internazionalista Eguna
Askapenak eta Komite Internazionalistek jakinarazi dutenez, "azken gertakarien aurrean eta internazionalismoa kriminalizatzeko saiakeren aurrean", aurreikusita zegoen bezala, urriaren 16an Gernikan eta Ziortza-Bolibarren ospatuko dute Internazionalista Eguna. Bertako behin-behineko egitaraua honakoa da:
- 11etan, Simon Bolivarri omenaldia, Ziortza-Bolibarren.
- 11etan, gune kulturala, Gernika-Lumoko merkatu plazan.
- 14etan, herri bazkaria, merkatu plazan.
- 18:30ean, errebindikazio kalejira eta ekitaldi politikoa.
- 21:00etan, kontzertua Zahil, Siroka, Itziarren Semeak eta Stupenda Jones taldeekin.
Gaur eta hilaren 16a bitartean herrien arteko elkartasuna jorratzen duten hainbat ekitaldi izango dira aukeran gurean. Horretarako hainbat arrazoi daude: Askapenaren aurkako sarekada, Internazionalista Eguna, Hispanitate Eguna deritzoten urriaren 12ko ospakizunen kontrako ekimenak edota eskualdean izaten diren ohiko ekitaldi internazionalistak. Hasteko, gaur 19:00etan, "Apartheid sionista en Palestina" izeneko hitzaldia emango du Anis Hawari errefuxiatu palestinarrak Sopelako Kurtzio kultur etxean. Gaur ere Leioan bukatuko da Zurevision VI. Zinema eta Kooperazio Emanaldia. 20:00etatik aurrera, Deshazkundea kolektiboaren "Gutxiago hobe bizitzeko" izenburupeko hitzaldia eta bi film labur ikusteko aukera izango da. Aipatu filmeak dira "Warmis, epunas, mujeres de palabra" Boliviako emakumeei buruzkoa eta "Tejuan uan xolalmej kampa tinemij" Mexikoko Puebla mendikatearen ingurumen arazoei buruzkoa. Argazkian, Askapeneko kideen atxiloketen aurkako protesta bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun