Autoan 25 bat kilo tytadine jarri eta eguerdian eztanda egiteko tenporizadorea prestatu nahi zutela dio Fiskalak. Halere, ustezko akatsen bat tarteko, autoak gauerdian egin zuen eztanda. Gainera, txarto jarrita zegoelakoan parking batera eraman zuten udaltzainek. Bertan, 20 bat pertsona zauritu eta 250.000 euroko kalteak eragin ei zituen.
Manex Zubiaga 2002an atxilotu zuten Frantzian. Hainbat alditan Espainiaratu zuten behin behinean, epai zezaten. Horrelako batean, 1.481 urteko espetxe zigorra jarri zioten, Juan Junquera Poliziako Unitate Zientifikoko idazkariordearen aurka atentatua egin zuelakoan. Atentatuan 94 zauritu egon zirela, 95 hilketa saiakera inputatu zizkioten. Frantzian ezarritako zigor guztiak bete ostean, joan zen urtean eraman zuten berriro Espainiara. Hasiera batean Soto del Realgo espetxean egon zen, baina harrez gero Estremerako Madrid VI espetxean dago.
Manex Zubiaga Bravo preso politiko algortarra Espainiako Auzitegi Nazionalean epaituko dute etzidamu, ostegun honetan. Uribe Kostako Amnistiaren Aldeko Mugimenduak jakinarazi duenez, Zubiaga Madrilen 2001ean lehertutako bonba bat dela eta epaituko dute. Europa Press albiste agentziaren arabera, Zubiagarentzat 112 urteko espetxe zigorra eskatu du Teresa Sandoval fiskalak, 2001eko urriaren 12an Madrilen egindako Espainiako Indar Armatuen desfilearen aurka atentatua egiten saiatu zelakoan. Bertsio ofizialaren arabera, Madril komandoak jarri zuen bonba-autoa. ETAren talde hori Ana Belen Egues Gurrutxagak eta Aitor Garcia Aliagak osatzen ei zuten, Zubiagarekin batera. Argazkian, Zubiaga iaz, Espainiaratu zutenean / © Espainiako Barne Ministerioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun