Aitor Bores 1998an atxilotu zuten, ETAren Araba komandoa sortu eta Espainiako Armadaren Arakako kuartelaren aurkako atentatua burutu zuelakoan. ETAko beste preso askok bezala, sakabanaketa politika ongi ezagutu izan du Boresek, 2007an Murtziarako bidean bere lagunek izan zuten auto istripua tarteko. Pasa den apirilean Langraizko espetxera eraman zuten, Zaragozatik pasatu ondoren. Boresek ez zuen parte hartu pasa den irailean EPPKk antolatu zuen borrokaldian.
Langraizko eskualdeko preso bakarra ez da
Besteak beste, urte hasieratik EPPKtik kanpo dabilen Andoni Muñoz urduliztarra dago sopeloztarrarekin batera Arabako espetxean. Muñoz de Vivarri uztailean espetxe programa berezia ezarri zioten. "El Pais"ek zabaldu zuenez, espetxean gauak eta asteburuak eman behar ditu, egunak ikasteko edota lan egiteko kanpoan pasa ditzakeela. Horrelako baimenak ezagutzen ez zaizkion Txetxu Fernandez de Nanclares algortarrak ere zigorra betetzen dihardu Langraizen. Fernandez ere EPPKtik at dago.
Euskal Preso Politikoen Kolektiboak Aitor Bores Gutierrez preso sopeloztarra kolektiboz kanpo kokatu duela diote azken egunotan hainbat hedabidek. Atzo "Diario Vasco" egunkariak zabaldu zuenez, EPPK-k bere "diziplinaz at" jardutea leporatu die Langraizen preso diren Aitor Bores, Rafael Caride Simon eta Koldo Carrascori. Bestalde, Amnistiaren Aldeko Mugimenduak pasa den ostegunean zabaldutako EPPKko kideen zerrendan (pdf) Bores ez da ageri. Egun, 725 lagunek osatzen dute Euskal Preso Politikoen Kolektiboa, haietako 39 Uribe Kosta eta Erandiokoak. 151 euskal preso politiko frantziar Estatuko espetxeetan sakabanatuta daude, 555 espainiar Estatuko espetxeetan, hiruna daude Portugalen eta Italian eta bana Belgikan, Ingalaterran eta Irlandako Sei Konderrietan. Argazkian, Aitor Boresen irudia ezkerrean, gatibu sopeloztarra ere den Urko Labeagaren argazkiaren alboan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun