Hamar urtetik beherakoentzat beste ibilbide bat prestatu dute Itxartukoek, zazpi kilometrotakoa eta errazagoa. Irteera 9:30ean izango da Algortako batzokitik, antzinako tren-hesira jo eta ezkerrera joango dira Telletxe kaletik Bidezabalera eta Aingeru Etorbidera joateko. Ondoren Galeako ibiltokia hartuko dute gotorlekuraino. Hor atzera egingo dute eta nagusiek egingo duten amaierako ibilbide berdina jarraituko dute.
Goizean zehar eta ibilaldian parte hartzen dutenak ailegatu bitartean batzokiko pilotalekuan V. Itxartu Pilota Txapelketaren lau eskupilota partidu jokatuko dira. Ibilaldia bukatu ondoren herri parrilladaz gozatu ahal izango da eta 13:00etan sari-banaketa hasiko da Algortako batzokiaren patioan. Sari kopuru handia eta kirol material asko banatuko dute.
Ibilaldirako izen-ematea bihar bertan egin ahal izango da, irteera baino lehen, batere dirurik ordaindu gabe. Partaidetza lagun bietako taldeetan izango da eta Ibilaldiaren oroigarrizko opariren bat emango zaie parte-hartzaile guztiei. Hala ere, lehenengo sailkatuak sarituak izango dira.
Algortako Itxartu Taldea kultur elkarteak XXVIII. ibilaldi neurtua antolatu du biharko, asteartea, urriak 12. Urtero ibilaldi horretan parte hartzaile kopuru handia biltzen da, Algortan eta inguruko herrietatik 18,2 kilometroko ibilbidea egiteko. Helduak goizeko 8etatik aurrera hasiko dira ibiltzen Algortako batzokitik, Fadura, Iturgitxi estarta eta Sustatxamenditik igaro eta Sustatxa baserritik Muinarrekolandara igoko dira. Ondoren, Urko tontorraren inguruan igaro eta Berango, Kurtzes, Azkorri, Galea, Aixerrota, Arrigunaga, Usategi eta Portu Zaharra zeharkatu ostean, Algortako batzokira bueltatuko dira berriro. Ibilbidea zailtasun gutxikoa da eta gutxi gorabehera hiru ordu eta erdi baino zerbait gehiagotan egin ahal izango da hamaiketakoa hartzeko geldiketa kontatuz. Umeek, ordea, errazago izango dute. Eguraldia lagun izanez gero, duela bi urteko partaidetza marka berdindu dutelakoan daude antolatzaileak. 1.127 lagun batu zituzten 2008an. Ibilaldiaz gain, Pilota Txapelketa ere egingo dute bihar. Argazkian, iazko edizioaren irabazleetako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun