Ostegun honetan, urriak 14, Jon Cazenave argazkilariaren "Herri Ixilean" erakusketa inauguratuko dute Algortako Torrene kaleko aretoan, 19:00etan, Iparra Galdu Gabe jardunaldien baitan, "UK" aldizkariak Uk Agenda buletin digitalaren bitarteaz jakinarazi duenez. Batetik, mostraren katalogoa oparituko diete bertaratzen direnei. Bestetik, Cazenavek berak bere lanaren gaineko azalpenak emango ditu. Aipatu argazkilari gaztea Donostian jaio zen. “Baiona bisitatu nuen behin eta Chemin de Cazenave izeneko kalera ailegatu nintzen. Une horretan Iparraldean nire abizen eta familiaren arrastoari jarraituko niola erabaki nuen”, adierazi duenez. Jonek bidaia batean, bere abizenarekin lotutako leku, subjektu eta gertaera historikoen inguruko informazio-bilketan oinarritutako proiektua garatu du. Argazkian, Algortako Torrene kaleko erakusketa aretoa ekainaren 3an zabaldu zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun