Ostiral honetan, hilak 15, blues-jazz emanaldia izango da Kultur Leioan, 22:00etatik aurrera. Sarrera 6 eurotan egongo da. Bertan Travellin’ Brothers talde leioaztarra arituko da nazioartean ezaguna den Francisco Simon gitarrista madrildarrarekin. Ikuskizun musikalarekin batera, bere musika ibilbideari buruzko hitzaldia eskainiko dio publikoari gonbidatuak. Eta ondoren, jam sessiona zuzenduko du Leioako bandarekin. Denboraldi berri honetan, Kultur Leioak kontzertu formatu berri hori eskainiko du urritik maiatzera bitartean, hile bakoitzeko hirugarren ostiralean izango den blues-jazz zirkuituan pausu bat aurrera emanez. Simon Red House taldearen liderra da eta Gran Wyomingen "Caiga Quien Caiga" telebista saioko musika bandako kidea zen. Argazkian, aurreko edizio batean, Tonky Blues Band aritu zen Kultur Leioan / © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun