Uribe Kostako Zerbitzu Mankomunitateak antolatuta eta Urtxintxa Eskolak kudeatuta, dagoeneko izena eman daiteke Berbalagun egitasmoan. "Lau pertsona inguruko taldeak elkartzen dira, euskaldun zaharrak eta berriak tartekatuz. Astean ordu betez geratzea adosten da hasieran, taldekideek beraiek, aukeratzen dutelarik non eta noiz gelditu, zer egin…", azaldu dute tokiko arduradunek. Horrez gain, berbalagun guztiak biltzen dituen ekintzak ere antolatzen dituzte (irteerak, afariak…) modu honetan, euskararen harreman sareak gehiago zabalduz. Talde horien jarraipena egiteko, arazoak konpontzeko, informazioa zabaltzeko zein zalantzak argitzeko arduradun baten laguntza izaten da eta bera arduratzen da taldeen osaketaz, ekintzen antolaketaz…
Amen taldea
Iaz 80 pertsona inguruk hartu zuen parte proiektuan eta euskaraz mintzatuz, zaletasunak konpartituz eta jende berria ezagutuz, euskaraz berba egiteko gaitasuna garatu zuten. Hori dela eta, aurten, berriro martxan jartzeko premia ikusi dute, eta urritik aurrera, Mankomunitateko herrietan, egitasmoaren aurkezpenak izango dira Berbalagun egitasmoa hurbilagotik ezagutzeko. Beste alde batetik, aipatzea "amen taldea" osatzear dagoela Berangon (parke batean, seme-alabekin batera egotea...). Esperientzia bera errepikatu nahi dute gainontzeko herrietan. "Kontuan hartuz seme-alabatxoekin zaila dela taberna edo beste leku itxi batean batzea, parkea izan daiteke alternatibarik onena", adierazi dutenez.
Aurkezpenak herriz herri:
- Sopela: urriak 18, 19:00etan Kurtzio kultur etxean.
- Plentzia: urriak 19, 19:00etan Goñi Portalen.
- Gorliz: urriak 20, 19:00etan, Eloisa Artaza erakusketa aretoan.
- Lemoiz: urriak 21, 19:00etan, kultur etxean.
- Urduliz: urriak 23, 12:00etan, kultur etxean.
2010-2011 ikasturtean, Berbalagun egitasmoa berriro ere martxan jarri du Uribe Kostako Zerbitzu Mankomunitateak. Hile honetan zehar, herriz herri, proiektua hurbilagotik ezagutzeko aurkezpenak egingo dituzte. Horrenbestez, urriaren 18tik 21era bitartean, 19:00etan izango dira batzarrak, Sopela, Plentzia, Gorliz eta Lemoizen hurrenez hurren. Azkenik, hilaren 23an Urdulizen egingo dute aurkezpena, 12:00etan. Egitasmoan parte parte hartu nahi duenak 605 773 541 (Fakun) telefono zenbakira edota berbalagunuribekosta[abildua]hotmail.com helbidera jo dezake. Argazkian, joan den abenduan ardo eta gazta dastaketa ikastaroa egin zuten berbalagunek / cc-by-nc Berbalagun Uribe Kosta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun