Azaroaren 25ean Emakumeenganako Indarkeriaren Aurkako Nazioarteko Eguna gero eta gertuago dugula, autodefentsa ikastaroa antolatu dute Uribe Kostako Mankomunitatearen Berdintasun Zerbitzuak eta Berangoko Udalak. Eskolak urriaren 22an eta 23an izango dira, Santa Anako kultur etxean. Ostiralean, 16:00etatik 20:00etara egingo dituzte; eta larunbatean, 10:00etatik 13:30era eta 15:00etatik 19:30era. Izena eman nahi duten emakumezkoek 946 681 179 telefono zenbakira deitzea edo berdintasuna[abildua]uribekosta.org helbide elektronikora idaztea besterik ez dute. Bitartean, Sopelako Itzartu emakumeen elkarteak hainbat ikastaro antolatu ditu. Besteak beste, haurrentzako margogintza, sukaldaritza (Kurene txokoan), emakumeen historia eta barreterapia jorratuko dituzte, urrian zehar. Informazio gehiago jasotzeko, Itzartuk duen lokalera (Doctor Landa, 3) jo edo 946 765 595 telefono zenbakira dei daiteke. Argazkian, emakumeenganako indarkeriaren kontrako elkarretaratzea Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun