Mus txapelketa
Mus txapelketan parte hartu nahi dutenek Getxoko alkartetxera, Haizea tabernara, Itxas Argiaren lokalera edo elkartea[abildua]itxas-argia.com posta elektronikora jo beharko dute. Partidak azaroaren 15ean abiatuko dira eta astelehen, asteazken eta ostegunetan jokatuko dira, 20:00etan. Lehenengo partidan, bikoteko 15 euro ordaindu beharko dira. Finalean, ordea, sariak jasoko dituzte lehen, bigarren eta hirugarren sailkatuek.
Ikasturtea bete lan dator Itxas Argia
2010ko urr. 14a, 04:50
Ikasturtea abiatu berria dugula, dagoeneko makina bat jarduera iragarri du Getxoko Itxas Argia elkarteak. Getxoztarrek jada dantza taldearen entseguak hasi, lehenengo mendi txangoa burutu, Arrangoitzen Mutxiko Eguna ospatu eta webgunea berritu egin dute. Dena den, datozen egun eta asteetarako ere kirol eta kultur eskaintza zabala egin diete auzotarrei. Horrela, bihar, ostirala, datorren hilea eta martxoa bitartean egingo duten mus txapelketarako izen-ematea zabalduko dute, epemuga azaroaren 11 izango dela. Halere, Itxas Argiak ohikoa duen beste kirola, mendi txangoena, igande honetan, hilaren 17an, jarraituko dute. Egun horretan, Kantabriako Porracolina mendira igoko dira. 1.414 metrotako gainera hurbiltzeko Calseca eta Lunada mendietatik igaroko dira. Azkenik, urriaren 23an, larunbatean, bazkaria egingo dute Paelletan lagundu zuten lagunekin. Aurretik, baina, elkartetik pasatu beharko da izena emateko. Argazkian, iazko mus txapelketako irabazleak / © Itxas Argia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun