Olentzerorako herri batzordea osatuko dute azaroaren 2an Sopelan

Abenduaren 24an Olentzerori egingo zaion harrera antolatzeko, herri batzordea osatuko dute Sopelan. "Herritar guztiak gonbidatuta zaudete parte hartzera. Zuen ekarpen eta proposamenak gureganatzea gustatuko litzaiguke, egun berezi horren inguruan egin litezkeen ekintza eta ekimen ezberdinen ideiak aurkeztuz", adierazi dute udal arduradunek. Batzorde horretan Gabon gauean izango diren ekimenak antolatuko dituzte. Biltzeko hitzordua azaroaren 2an, asteartea, jarri dute arratsaldeko 7etan, Kurtzio kultur etxean. Argazkian, Eguberri egun bezperan zeharkatzen dituzte Sopelako kaleak Olentzerok eta Mari Domingik / © Sopelana.net.