Alvaro Gonzalez Kirol zinegotziak adierazi duenez, “umeek kirol-eskaintza zabala praktikatzeko aukera badute gerora gustuko duten modalitatea hautatu baino lehen. Azpimarratu behar da, gainera, kirola egiteko ohitura haurtzaroan finkatu behar dela. Horregatik, 6 eta 10 urte bitarteko umeei zuzenduta dago programa hau”, gaineratu du Gonzalezek. Multikirolak programak 2008ko Bizkaia Saria jaso zuen kirola sustatzeagatik.
Egitaraua
Aipatutako lau modalitate berriez gain, aurtengo egitarauan ondorengoak ere izango dira: irristaketa, eskia, arrauna, kayaka, surfa, egokitutako kirola, igeriketa, futbola, eskubaloia, boleibola, saskibaloia, herri kirolak, esku pilota, errugbia, hockeya eta atletismoa.
Ekintzak eskolaz kanpoko ordutegian egiten dira eta, horiekin batera, kirol topaketak eta txangoak izaten dira. Azken horiek, normalean, larunbat goizetan egiten dituzte. Topaketei dagokienez, ikastetxeetan modalitate bateko zortzi saio egin ostean, umeei dei egiten diete lehiakorrak ez diren partidak jokatzeko edo modalitate horrekin lotutako jolasak edo ariketak egiteko. Txangoak, bestalde, hain ezagunak ez diren modalitateak ezagutzeko aurrez prestatu gabeko kirol-ekintzak dira. Horietan eskola-umeen senideek ere parte har dezakete.
Multikirolak egitasmoaren denboraldi berriari hasiera eman diote Getxon
2010ko urr. 18a, 22:32
Lehen Hezkuntzako 80 ikasle inguruk parte hartu zuten pasa den larunbatean, hilaren 16an, Itzubaltzeta / Romoko Gobela kiroldegian Artaromo klubak antolatutako areto-futbol topaketan. Ekimen horrekin, Multikirolak egitasmoaren 2010-2011 denboraldiari hasiera eman zioten. Getxo Kirolak erakundeak sustatutako Multikirolak ekimenaren helburua eskola-komunitatea osatzen dutenen artean kirola eta aisialdiko aukera osasungarriak bultzatzea da, tokiko arduradunek adierazi dutenez. Eskola-kirol programa horren laugarren edizioa da aurtengoa eta udalerriko ikastetxe (13 zentro) eta kirol elkarteei (20tik gora) zuzenduta dago. Aurten, berritasun bezala, areto-futbola egongo da aukeran, beisbola, arku-tiroa eta dantza modernoarekin batera. Argazkian, larunbatean egindako areto-futbol topaketa / © Getxo.net.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun