Haurdunei zuzendutako yoga ikastaroa antolatu du Sopelako Udalak

Sopelako Udal Kultura Sailak emakume haurdunentzako yoga ikastaroa prestatu du, azarotik urtarrilera bitartean. Eskolak Kurtzio kultur etxean emango dituzte. Astero bi saio izango du, ordu eta erdikoa bakoitza. Datak eta ordutegia zehazteke daude oraindik. Ikastaroaren helburuak bizkarra, gerrialdea eta perineoa indartzea eta malgutzea; arnasketa teknikak ikastea; adimena zuzentzen eta kontzentratzen ikastea eta erlaxatzen eta masaje teknikak ikastea dira. Izena emateko epea azaroaren 5era arte luzatuko dute. Ikastaroaren prezioa 100 eurokoa izango da pertsona bakoitzeko. Argibide gehiagorako, kultura[abildua]sopelana.net helbide elektronikoa eta 944 065 505 telefono zenbakia jarri dituzte. Argazkian, emakume bat yoga praktikatzen / cc-by Egizu.