Abenduaren 27tik urtarrilaren 7ra bitartean, Gabonetako egonaldi irekiak izango dira Sopelan. Udal iturriek zehatu dutenez, udalekuen izaera, funtzionamendu eta ordutegi bera izango ditu ekimenak: astelehenetik ostiralera, 09:00etatik 14:30era. Adin tarteari dagokionez, 4 eta 12 urte artean dituzten umeei zuzendutako ekintzak izango dira. 2010eko abenduaren 31rako adin tarte horren barruan izan beharko dira neska-mutilak; Sopelan erroldatuta egotearekin batera. Izena emateko epea azaroaren 2tik 26ra egongo da zabalik, Kurtzio Kultur Etxean, ondoko ordutegian: goizez, 11:00etatik 14:30era; eta arratsaldez, 16:00etatik 20:00etara. Matrikula arrunta 80 eurotan izango da, bigarren neba-arrebentzakoa 60 eurotan eta hirugarrenentzakoa 50 eurotan. Oinarrizko errenta jasotzen duten familietako umeek ere 50 euro baino ez dituzte ordaindu beharko. Argazkian, hainbat ume ikuskizun batez gozatzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun