Haurrentzako skate eta txinera ikastaroak antolatu dituzte Zipiriñe-Iberre ikastetxeko aita-amek

2010-2011 ikasturtea hastearekin batera, eskolaz kanpoko jarduerak (jaiak, ikastaroak, txangoak, goizeko haurtzaindegia...) abian jarri ditu Sopelako Zipiriñe-Iberre ikastetxeko Iraupen Gurasoen Elkarteak. Aita-amek azaldu duenez, aurten bi ekintza berri egingo dituzte: skate eta txinera tailerrak, hain zuzen. Lehenengoa, astearte edo ostegunetan egingo dute, astero ordu betez, 18:00etatik 19:00etara. Bi talde osatuko dituzte: lehena 5 eta 8 urte bitarteko neska-mutilekin; eta bestea, 8 eta 14 urte artekoekin. Prezioa 16 eurokoa izango da, baldin eta 10 eskola-umeetatik gora apuntatzen badira. Txinera ikastaroa, berriz, 3 urtetik gorako umeentzat zuzenduta dago. Eskolak ordu betekoak izango dira, ostiral eguerdian. Salneurria zehazteke dago oraindik. Interesatuek Iberre herri ikastetxeko IGEko aretoan (Trokabide, 4) eman dezakete izena. Argazkian, ikasturte amaieran ospakizuna antolatu ohi du Iraupen Gurasoen Elkarteak / © IGE.