Bihar, ostirala, Algortako Fadura kiroldegiko ekitaldi aretoan izango den merkataritza eta ostalaritza sektoreko enplegu-azokak erantzun bikaina izan duela adierazi dute antolatzaileek. Izan ere, 180 pertsonak baino gehiagok eman dute izena, Getxoko Udalak zehaztu duenez. Ekimen horren helburua langileak behar dituzten enpresen eta langabetu getxoztarren elkar ekintza sustatzea da. Biharko topaketarako 70 lanpostuetarako eskaintzak baieztatu dituzte, baita beste batzuk ere, oraindik zehaztu gabe dauden arren. Argazkian, Getxolan egoitzaren informazio gunea / © Getxo.net.
Enplegu azoka 9:30ean hasiko da. 10:00etan merkataritza sektoreari buruzko hitzaldia egongo da eta 11:00etan elkarrizketa-tailerra, “Ikasi zure burua saltzen” izenburupean. 12:00etan ostalaritza sektoreari buruzko hitzaldia eskainiko dute eta 13:00etan bideo-curriculuma grabatzeari buruzko tailerra. Informazio orokorra emateaz gain, lan-eskaintzetan izena ematea erraztuko dute 10:00etatik 15:00ak arte. Horrekin batera, curriculum vitae-ak jasoko dituzte eta hautaketa-elkarrizketak egongo dira. Era berean, informazioa jasotzeko teknikariak eta ordenagailuen gunea ere egongo dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun