Ostiralero, Bizkaiko Bertsolari Txapelketako kanporaketak eskainiko ditu Koska irratiak, goizeko 11etan, FMko 108.0 dialean. Aste honetan, joan den igandean Jone Uria Albizuri algortarra nagusitu zen Balmasedako bertsoaldia izango da entzungai. Bihartik aurrera, gainera, "Bertxoko" izeneko saioaren denboraldi berria eskainiko du Koskak, 15:00etatik aurrera, Gasteizko Hala Bedi irratiari eta Arrosa sareari esker. Irratsaio horretan, “bertsozaletasunari buruz jakin beharreko guztia, turmix-etik pasata topatuko duzu, nahiago dugulako Txapelketa Nagusian BECeko kontserjea elkarrizketatu, Andoni Egaña baino”, adierazi dute irratsaioko arduradunek. Ohi bezala, estreinaldia emanaldi berezi batekin ospatuko dute, bertsoek eta komentario kaxkarrek edota barregarriek bi orduz entzuleen belarriak leherraraziko dituztela. Argazkian, Jone Uria pentsakor, igandeko saioan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun