Aresen esanetan, "tradizioz ETAren harrobia izan den taldearen berregituraketa bertan behera uztea izan da operazioaren helburua". Halaber, bere ustez, "talde terroristaren eta bere ingurunearen kontrako borrokan, Polizia talde ezberdinak treguan ez daudela eta egongo ez direla erakusten duen milagarren froga dira azken atxiloketak". Bere esanetan, "instituzio guztiek irmotasun demokratikoaren eta mundu horren aurrean tolerantziarik ez erakustearen konpromisoari eutsi egingo diogu, izan ere, askotan aipatu dudanez, mundu horri indarkeria behin betiko eta espresuki baztertzea baino ez zaio geratzen".
Branka kultur elkartearen miaketa iruditan:
Herrizaingo Saila: ''Operazioak bertan behera utzi du ETAren harrobiaren berregituraketa''
Rodolfo Ares Eusko Jaurlaritzako Herrizaingo sailburua pozik agertu da Polizia Nazionaleko agenteek azken orduotan ETAren ingurunearen kontra Euskadin, Nafarroan eta Katalunian egindako operazioa dela eta. EAEko Herrizaingo sailburuak Polizia Nazionala eta Espainiako Gobernua zoriondu ditu eta, jakinarazi duenez, ETAren eta bere ingurunearen kontrako borrokan instituzio demokratikoek eta Poliziek erne jarraituko dutela erakusten duen milagarren froga dira atxiloketa horiek. Rodolfo Ares pozik agertu da Polizia Nazionalak Segi legez kanpoko taldearen egituraren kontra une honetan egiten diharduen operazioaren emaitzak direla eta. Argazkian, poliziak Imanol Beristain Branka kultur elkartetik ateratzen miaketaren ondoren.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun