Bestalde, txarteletan "eman duzun laguntzarekin giza eskubideak eta presoen eta iheslarien duintasuna bermatzeko urratsa eman duzu" eta "zure eta guztion konpromisoarekin sakabanaketa eta bere eraginak gaindituko dugu" bezalako testuak agertzen ei ziren. Zantzu horietan oinarrituz, Fernandezi erakunde terroristari laguntza ematea leporatu eta sei urteez gain, 6.000 euroko isun bat ezartzea eskatu du fiskalak.
Bahitutako militantea
Lander Fernandez Arrinda 2003an atxilotu zuten Frantzian, ETAko kidea izatea leporatuta. 2008ko urtarrilaren 22an aske gelditu zen espetxe zigorra bete ostean. Otsailaren 9an ongi etorria egin zioten Santutxun 400 bat auzokidek. Ertzaintza haien aurka oldartu zen eta hiru pertsona ospitalera eraman behar izan zituzten zauri larriekin. Abuztuan, ordea, Guardia Zibilak gelditu zuen bihar epaituko duten aferan.
2009ko ekainean, berriz, Espainiako Polizia Nazionalak atxilotu zuen Madrilgo Barajas aireportuan, Venezuelatik bueltatzen zela, Ertzaintzak kaleratutako agindu bati jarraiki. Bi aste lehenago kalez jantzitako hainbat ertzainek bahitu, jipoitu eta informazioa ematen kolaboratzeko eskatu ziotela salatu zuen publikoki santutxuarrak. Urte bereko uztailean kaleratu zuten, senideek 40.000 euroko fidantza ordaindu ostean.
Lander Fernandez Arrinda Santutxuko preso ohia epaituko dute bihar Espainiako Auzitegi Nazionaleko Laugarren Aretoan, Getxoko jaietan AAMren furgonetako zozketak saltzen saiatu zelakoan. Efe albiste-agentzia espainolak zabaldu duenez, aipatu zozketak "ETA laguntzeko bonotzat" jo eta Fernandezentzat sei urteko espetxe zigorra eskatu du Vicente Gonzalez Mota fiskalak. Bertsio ofizialaren arabera, 2008ko abuztuaren 10ean, goizeko 10:30ean, Guardia Zibilak Fernandez gelditu zuen BI-2405 errepidean, Berriatuan. Santutxuarrak 2 euroko 300 txartel omen zeramatzan Algortako Portu Zaharreko jaietan sal zitezen. Zozketaren sariak furgoneta eta bidaia eta ordenagailu eramangarri bana ziren. Zozketetan amnistiaren irudia agertzen zen, Guardia Zibilaren ustez "ilegalizatutako Askatasunaren anagrama" dena. Argazkian, bahiketa salatzeko Lander Fernandezek emandako prentsaurrekoa / cc Askatu.org.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun