Egitaraua:
Urriak 29: bertso afaria, Plentzian.
Azaroak 5: drogei buruzko hitzaldia, Plentziako Goñi Portal kultur etxean.
Azaroak 12 eta 19: euskal dantza tailerra, Plentzian.
Azaroak 26: koblakari malabarista taldea, Plentziako Jai-alai frontoian.
Abenduak 10: zine Foruma, Gorlizko Xurrut tabernan.
Abenduak 17: gaztetxearen aldeko kanta poteoa, Plentzian.
Gaztetxe baten beharra ekinaren ekinez aldarrikatuko dute Gorliz eta Plentzian
Plentzia eta Gorlizko Gazte Asanbladak hainbat ekimen antolatu ditu 2010eko udazken-negurako, "Olentzero, Gabonetarako gaztetxea" lelopean. Horiek guztiak herrian aisialdi mota desberdin bat sortzeko egingo dituzte: "neska-mutilak kalera irteteko eta beste era desberdin batean gozatu ahal izateko", zehaztu dutenez. Bi itsas-hiribilduetan "gazteentzako jarduerarik ez" dagoela salatu dute asanbladakoek. Prestatutako ekimenak abenduaren 17an bukatuko dira, gaztetxe baten aldeko Gabonetako kanta-poteoa eginez. Hala ere, aurretik egongo da zertaz gozatu. Ostiral honetan, urriak 29, bertso-afaria egingo dute Plentzian. "Ekimen hauekin gure lana ondo egiten ari garela eta gaztetxea merezi dugula erakutsi nahi dugu", gaineratu dutenez. Argazkian, maiatzaren 8an hirugarren Gazte Eguna ospatu zuten Plentzian / © Plentziako eta Gorlizko Gazte Asanblada.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun