Gaur, osteguna, egingo dituzte Leioa eta Erandioko campuseko ikasle olinpiadak. Ikasle Abertzaleek (IA) antolatuta, tokiko fakultate guztietatik aurkeztutako 8 pertsona edo gehiagoko taldeak elkarren aurka arituko dira, goizean zehar egingo dituzten hainbat jolasetan. Eguerdiko 12etan talde guztiek euren fakultateko sarreran itxaron beharko dute. Ordu erdi beranduago, 12:30ean, hasiko da lehia. Talde irabazleak azaroaren 6an izango den Ikasle Egunean arituko dira olinpiaden finalean. Biharko norgehiagoka amaituta, 14:00etan, ikasle bazkaria egingo dute unibertsitateko kafetegi ondoan. Txartela egunean bertan erosi ahal izango da, 4 euroren truke. Behin sabelak beteta, 19:00etan Bilbora joan eta poteoa egingo dute, Errondabide kaletik abiatuta. Azkenik, egunari agur esan eta gauari paso emanez, 21:00etan jaialdia eta luncha izango dute ikasleek 7 Katu gaztetxean. Argazkian, ikasleak Trivial jokoan aritu ziren Getxoko Txorimalo gaztetxean, urriaren 12an egindako herri eskoletan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun