Astearte iluntzean Imanol Beristain Espainiako Auzitegi Nazionaletik Soto del Real espetxera zeramatela inguruan atxilotu zuten Itzubaltzeta / Romoko gaztea etxean da jada. A.S. izeneko gaztea atzo gauean heldu zen herrira, Espainiako Polizia Nazionaleko komisaria batetik eta Informazio Brigadaren instalazioetatik igaro ostean. Gaztea asteartean 23:30ak aldera harrapatu zuten poliziek Beristaini animo oihuak botatzen zizkion bitartean. Lurrera bota eta bertan hainbat ostikada eman zizkioten. Ondoren, eskuburdinak jarri eta "erortzen zen hirugarren munduko" komisaria batera eraman zuten, hainbat preso sozialekin batera gaua pasatzera, gazteak adierazi duenez. Goizean, Informazio Brigadarengana eraman eta bertan izan zuten hainbat orduz, "usain txarreko" ziega batean. Argazkian, Espainiako Polizia Nazionalak Branka herriko taberna ondoan.
Ondoren, eraikin osotik eraman eta galdekatu zuten. Denbora osoan zehar, eskuburdinak jarrita eta oso estututa izan zuten. Arratsaldeko lehenengo orduan Madrilgo zentrotik urrun aske utzi ostean, kalez jantzitako poliziek zelatatu zutela ere esan du itzubaltzetarrak, horren adibide da Madril utzi baino lehen bi aldiz identifikatu zutela. Poliziei ustez desobeditzeagatik epaituko dute Madrilen, baina bistarako data oraindik ez dago jarrita.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun