Ikasle Abertzaleak erakundearen oharra:
Giro onean egin dira eguerdian Ikasle Olinpiadak Leioako campusean. Bertan, 120 ikasle inguruk hartu dute parte eta Hezkuntza Sistema Nazionala aldarrikatzeaz aparte egun indarrean dagoen hezkuntza aztertu dute.
UPVko itzulpengintza zerbitzua, segurtasun indarren presentzia, ikasleriaren pasibotasuna, egungo ereduak dakarren sumisio eredua, hezkuntza sexista izatea... Hau guztia izan dugu hizpide. Jokoen bidez gure errealitatea islatu eta hau aldatzeko beharreko urratsak ematera animatu dute ikasleria.
Kritikoki eta jarrera aktiboz irmo azaldu da beste behin Leioako campusa, borroka grinez.
Jolasak bukatuta bazkari mundiala egon da, gero Bilboko Alde Zaharrean BilboUnikoekin batu eta jolasek jarraipena izan dute, 7 Katura heldu arte, oraindik parrandak bertan dirauelarik.
Horrela, Bologna Prozesuaren gainetik, euskaraz ikasteko eta bizitzeko zailtasunei aurre eginda, gure hitza adituko duen sistemaren aldarria egin dugu.
Beste unibertsitatea eredu baten alde... Ikasle Olinpiadak!
Olinpiadak egin zituzten atzo Leioako campusean, Ikasle Abertzaleak (IA) erakundeak antolatuta. Guztira, fakultate guztietako ikasleek eratutako 11 taldek hartu zuten parte aipatu ekimenean eta, goiz osoan zehar, ikasleak "intsumisoak direla eta aurrera jarraituko dutela" argi utzi zuten Mikel Laboa plazan. Ondoren, antolatutako lau probak burutu ostean neska-mutilek bazkaltzeko aukera izan zuten sagardoa eta patxaranarekin alaituta. Arratsaldeko 6ak aldera, guztiak Bilbora abiatu ziren bertan deitutako erronka poteoan, Arangoitiko ikasleen aurka aritzeko. Zazpi Kaleetan, trikitia eta panderoaz lagunduta, giro ederra sortu zuten dantza eta jolasen bitartez. Azkenik, gaueko 10etan, 7 Katu gaztetxean bildu ziren ehun bat lagun karaokean aritzeko. Argazkian, ikasle olinpiadetan parte hartu zuten gazteak /cc-by-sa Ikasle Abertzaleak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun