Eta zintzotasuna izan da, hain zuzen ere, egun berezi honetan hau idaztera bultzatu gaituena.
Zure irribarrearen distira ikusi ezin dugunean, are gehiago etortzen zaigu gogora. Zure irakaspenak eman ezin dizkiguzunean, are gehiago gogoratzen ditugu emandakoak.
Zure ezinegona, zure gozotasuna, zure zuzentasuna… gaur inoiz baino presenteago daude gurean.
Zure ardoarekiko adikzioa, zure estatistikarekiko arazoak, zure azterketa penkatuak eta zure “irailean gaindituko det” ere ezin ditugu ahaztu gaurko honetan.
Oso zaila da hain hitz gutxirekin sentimenduen azalpena egitea, baina, batzuek esaten duten bezala; maite duzun pertsona batek badaki maite duzula esan beharrik gabe.
Ba esandakoa, ez dizugu zenbat maite zaitugun esango dagoeneko jakin beharko zenukeelako, hori bai, zalantzarik izatekotan jakizu zauden lekuan zaudela beti gaituzula zurekin.
Zure Algortako lagunak
Nafarroa, euskaldunon jatorria, indarrez lapurtutako erresuma, gaurko aldarrikapena… Askotan idatzi eta hitz egin ohi dugu Nafarroaz gure iragan eta etorkizun politikoaz ari garenean. Ziur aski, ia denok izango dugu zerbait Nafarroarekin lotzen gaituena, bere izena entzutean sentimendu ezberdinak eragiten dizkiguna. Gure kasuan ere horrela da. Badago zerbait, era berezi batean, Nafarroarekin lotzen gaituena; kasualitate hutsez ezagutu genuena, baina, zalantza barik sentimendu politenak eragiten dizkiguna; zeu zara Jone! Orain dela urte batzuk ikasketen aitzakiarekin zure Nafarroa utzi eta Bizkaia aldera hurbildu zinen, nora eta Algortara! Berehala ezagutu genuen aurpegian beti daramazun irribarrearen distira, hainbeste momentu latzetan erakutsi duzuna. Guregana hurbildu zinenean nekez imajina genezakeen gure artean sortzear zegoen laguntasuna eta maitasuna. Behin baino gehiagotan esan dizugu arraro xamar egin zitzaigula zu bezalako neska bat hain ezatseginak garenongana hurbiltzea, baina hala izan zen. Orduan, urte hauetan zehar emango zenizkigun hainbeste irakaspenetatik lehenengoa eman zenigun: zintzotasunez jokatzearena, alegia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun