Euskal Herriko Mugimendu Antifaxistak musika bilduma diskoa kaleratu zuen pasa den ekainean. Hasieratik, "Borrokanrrola" izeneko lana Algortako Eztabaida Gune Antiautoritarioan jarri zuten salgai, baina ondoren Itzubaltzeta / Romoko Brixton Records dendan eta Larrabasterrako Plaza Beltza herri liburutegian ere banatzeari ekin diote. Diskoan Euskal Herriko hainbat taldek parte hartu dute, tartean Dale ke Aun Respira (DAR) seikotea dagoela. Uribe Kostako lagunek ondoko bandak izan dituzte lagun: Stupenda jones, Ihesbide, Bajo presion, Kaleginez, Radio aktiva, Des-kontrol, Akatz, Infernuko panpinak, Suspenders, Trigger travis, Macarrada, Estricalla, Itziarren semeak, Mortis causa, Sermond's, Oliba gorriak, Pleonakis plektos, Pib all stars eta The sparteens. Bestalde, CDa aurrera ateratzeko, Apoa (Estricalla), Kolinas (Suspenders), Mikel (Anestesia) eta Unaik (Oliba Gorriak) ere lagundu dute. Diskoa zazpi euroren truke eskuratu daiteke. Argazkian, DAR talde uribekostarra / cc-by Mugaz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun