Alcorconen (Madril, Espainia) Espainiako Errege Kopako partida jokatu ostean, joan den ostegunean ustez Frente Atletico talde faxistako kideak ziren gizon bik mehatxatu egin zituztela salatu zuten Gorliz eta Plentziako Athleticen hiru zaletuk. Tamaina handiko labana atera eta, ondoren, bultzatu eta ikurrina eta bufanda eraman zituztela adierazi zuten uribekostarrek. Bada, herenegun, Atletico de Madrid eta Almeriaren arteko norgehiagokan, ultraeskuindarrek lapurtutako ikurrina "trofeoa bailitzan" erakutsi zutela zabaldu du Sare Antifaxistak. Vicente Calderon estadioan, talde madrildarreko zale erradikalenak jartzen diren tokian antzeman zuten ikurra Athleticen hiru afizionatuek. Aitor Zabaleta Realeko zalearen erailketaren hamabigarren urteurrenerako gutxi falta denean, "Madrilen gertatutako euskal zaletuen kontrako eraso faxista berri honen aurrean, beste leku batera begiratzea" egotzi die Espainiako Segurtasun Indarrei Sare Antifaxistak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun