Egunerokotasun horren aurrean ordea, ikasleriak argi erakutsi du egun inposatu nahian dabiltzan hezkuntza ereduaren aurrean, zein den bere hautua. Urriaren 12an herri eskolak burutuz, egutegi propio baten beharrizana agerian utzi zuen. Ikasgeletan eduki arrotzen aurrean euskal curriculuma aldarrikatzen du. Unibertsitatean, bologna prozesuaren inposizioaren aurrean bestelako eredu baten eraikuntzan dihardu. Eta ikasleriaren ahotsa ixilarazi nahi duen dekretuen aurrean, inoiz baino ozenago atera da kalera. Argi dago, euskal ikasleriak erasoaldi ororen aurrena, bestelako hezkuntza eredu baten aldeko hautua egin duela, Hezkuntza Sistema Nazionalarena.
Manifestu hau sinatu dugun, gazte mugimenduko eta Euskal Herriko eragile, kolektibo eta talde ezberdinok ikasleekin batera, argi daukagu hezkuntza dela herrien motorra. Pertsona kritikoak sortuko dituen hezkuntza sistema beharrezkoa dugula. Euskalduna edukiz eta hizkuntzaz. Hezkidetzan oinarrituko dena eta nazionala. Hau da, Hezkuntza Sistema Nazionala.
Gogora ekarri nahi ditugu lanketari hasiera eman zioten manifestuko hitzak:
Isabel Celaa, trilinguismoa, kamerak, Alberto Catalan, jai egun arrotzak, seguratak, historia arrotza, pedagogia atzerakoia, Bologna, til, dekretu inposatuak, polizia... Hamaika dira ikasleok, egunez egun, ikastetxez ikastetxe eta fakultatez fakultate pairatzen ditugun erasoak.Lozorrotik atera eta borrokatzeko unea da bizi duguna. Administrazio ezberdinen inposizioei aurre egin, gure eskubideak defendatu eta Euskal Herriak behar duen Hezkuntza Sistema Nazionala eraikitzeko garaia da.
Euskalduntzen ez duten ereduei, EZ! Curriculum arrotzei, EZ! Dekretu eta listado errepresiboei, EZ! Hezkuntza patriarkarrari, EZ! Hezkuntzaren merkantilizazioari, EZ! Euskal Herrian ikasteko traba administratiboei, EZ!
BAI, Hezkuntza Sistema Nazionalari!
Hortaz, orain Euskal Herrian bizi dugun erasoaldi honi aurre egin eta benetan Euskal Herriak behar duen Hezkuntza Sistema Nazionala aldarrikatzeko, datorren azaroaren 6an 17:30ean Amurrioko herriko plazatik abiatuko den manifestazio nazionalera bertaratzeko deia egiten dugu.
Ikasleen ahotsarekin bat egin eta denon artean ozen entzun dadin:
Erasorik ez, Hezkuntza Sistema Nazionala!
Sinatzaileak:
Gazte esparruan:
• Gazte Abertzaleak
• Iratzarri
• Gazte Independentistak
• Alternatiba gazteak
• Gazte ehgam
• Bizigay
• Elkarlanean
• Bilgune feminista.
• Emakume gazteen talde eta asanblada ezberdinak: Zarautzeko Sorginak, Santutxuko Iduna...
• Euskadiko Gazte kontseilua
• Kaskagorri
• Donostiako Piratak
• Galtzagorri Jai Batzordea
• Iruindarock
• Topatu.
• Hainbat aisialdi talde: Laudioko Kirikiño, Soraluzeko Kukumixo, Kimuak Atarrabia, Santutxuko Ximelgorri...
• Hainbat gaztetxe eta gazte asanblada: 7katu gaztetxea, Kortxoenea gaztetxea, Ziburuko gaztetxea, Baionako Gazte asanblada, Zizurko gaztetxea, Gasteizko gaztetxea, Donostiako AZGA, Amurrioko GA, Laudioko GA, Zubiaurreko GA, Urduñako GA...
Hezkuntza:
• Euskal Herriak Bere Eskola
• Sortzen Ikasbatuaz
• LAB
Bestelako eragile sozialak:
• Euskal Herrian Euskaraz
• Udalbiltza auziperatuak
• Askapena
• Komite Internazionalista
• ESAIT
Euskal Herriko hezkuntzaren egoerak txarrera egin du. Administrazio ezberdinetatik inoiz ezagutu ez ditugun erasoak ari dira ematen. Hori dela eta, ikasturte hasieran Ikasle Abertzaleek kolektibo ezberdinokin bildu eta erasoaldi honi aurre egiteko asmoz lanketa abian jarri genuen. Ez dira kasualitate hutsak hezkuntzaren aurka eginiko erasoak. Egungo sistema patriarkal eta kapitalistak bere behar eta interesetara egokitzen du hezkuntza, egungo bere biziraupena bermatu eta etorkizunekoa ziurtatzeko. Horretarako, ikasleria sumiso eta akritikoa hezteko ahalegina egiten dute. Curriculum arrotzetan oinarritutako ikaskuntza bultzatzeaz gain, kontrol soziala ere erabiltzen dute beraien helburuak bermatzeko. Hori gutxi balitz, erasoaldi eta inposizioen aurrean altxatzen den orori errepresioaz erantzuten diotelarik. Honen guztiaren adibide da ikasleek egunerokotasunean ikastetxe nahiz fakultatetan bizi duten egoera. Argazkian, hainbat eta hainbat eragile, kolektibo eta gazte mugimenduko partaide elkartu ziren atzo Gasteizko Hezkuntza Delegazioaren aurrean / cc-by-sa Ikasle Abertzaleak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun