Gaur, iluntzeko 7:30ean, Bilboko Zazpi Kaleetako Kalderapeko kulturgunean aurkeztuko dute "Bizkaiko Hitza" prentsa papereko astekari berria. Hainbat eskualdetako "Hitza" eta "Berria" nazio egunkaria argitaratzen dituen Euskarazko Komunikazio Taldearen ekarpena izango da 16 orrialdeko argitalpen berria, ostiralero "Berria"-rekin batera kaleratuko dena. Berau, "Berria" eta "Hitza" egunkarien eta haien edizio digitalen birmoldaketa prozesuaren baitan kokatzen da, Hegoaldeko lurralde bakoitzean zein Ipar Euskal Herrian "Hitza" berri bana jaioko dela. "Bizkaiko Hitzan" kazetaritza pausatuagoa landuko dute, eta "Berria" egunkarian azaldu dutenez, "astero herrialdeko bizitzari errepasoa emateko gunea izango da, gogoetarako esparrua". Argibide gehiagorako, "Berria" kontsultatu. Argazkian, Martxelo Otamendi "Berria"ren zuzendaria Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun