Aipatu bulegoa astelehenetik ostiralera 8:00etatik 13:00etara zabaltzen da goizez. Arratsaldez, berriz, astelehenetik ostegunera 16:30etik 19:30era irekitzen da. Larunbatetan 10:00ak eta 13:00ak bitarteko ordutegia dauka. Kontsultak telefonoz egiteko 944 810 320 telefonora dei daiteke.
Internet bidezko ordainketak
Izenperen ziurtagiri digitala (ONA txartela) edo Espainiako Nortasun Agiria digitala duten pertsonek Udaleko Administrazio Elektronikoko bulegoaren bitartez ere ordaindu ahal izango dituzte isunak, Getxo.net-eko "Online" zerbitzuetan. Azkenik, “Zergen ordainketa Interneten bidez” sistema ere indarrean dago udalaren web gunean, sistemari atxikitutako banketxeen bidez. Kasu horretan, operazioa soilik banku eta kutxa hauekin egin ahal izango da: BBK, BBVA, Lankide Aurrezki Kutxa, Ipar Kutxa, Caja Madrid, La Caixa eta Banco Santander.
Isunen aurkako helegiteak
Bestalde, isunei jarri beharreko alegazioak, baldintzak, eta helegiteak udalerriko Herritar Arretarako Bulegoetan edo Udaltzaingoaren egoitzan dagoen Herritar Arretarako Gunean aurkeztu beharko dira.
Isunen gestioaz arduratuko den SDCI enpresa Itzubaltzeta / Romoko Gobelaurre kaleko 37an lekututa dago. Bere ordutegia honako hau izango da: astelehenetik ostegunera, 8:00etatik 13:00etara eta 16:30etik 19:30era, ostiraletan goizez soilik eta larunbatetan 10:00etatik 13:00etara. Bere telefono zenbakiak 944 810 302 eta 682 352 219 dira.
Getxoko Udalak jakinarazi duenez, jada isunak ezin dira Algortako Foru kaleko lehenengo zenbakian dagoen Udal Zerga-Bilketarako bulegoan kitatu. Horren ordez, udalerriko hainbat tokitan dauden honako kutxak eta bankuak erabili beharko dira: BBVA, BBK, Lankide Aurrezki Kutxa, Ipar Kutxa, Caja Madrid, La Caixa, Caixa Galicia, Caja Duero, Banco Santander eta Banco Pastor. Ordainketa Udaltzaingoak bidalitako isunaren jakinarazpenarekin eta bertan agertzen den barra-kodea aurkeztuta egin ahal izango da. Hori ez edukitzekotan, Itzubaltzeta / Romoko Gobelaurre kaleko 37. zenbakian dagoen Udal Trafikoko arau-hausteen Tramitazio Zerbitzuko eta Bilketa Exekutiboko bulegoan ordaintzeko agiri bat eskatu beharko da. Argazkian, Getxoko Udaltzaingoaren komisariako koordinazio zentroa / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun