Lutxanako Tirante Plataformak antolatzen dituen Azaro Kulturala jardunaldien baitan, bihar, osteguna, "Errautsak" antzezlana izango da ikusgai Altzagako azoka zaharrean. Le Petit Theatre de Pain eta ArteDrama konpainiek ekoiztutako lana, Unai Iturriaga eta Igor Elortza bertsolari durangarrek batera idatzi dute eta Ander Lipus, Manex Fuchs, Miren Gaztañaga, Ainara Gurrutxaga, Urko Redondo eta Ximon Fuchs dira aipatu obraren aktoreak, azkenengoa zuzendaria ere badela. Saioak eguerdiko 12etan eta iluntzeko 8etan izango dira. Etzi, ostirala, berriz, "Islandia, Euskal Herria: azal hotza baina... bihotz beroa" izeneko hitzaldi-diaporama emango dute Erandioko San Inazio kalean dagoen Hegoalde herriko tabernan. Horrenbestez, Arantzi, Iban eta Igorren "izotz-abenturak" aurkeztuko dituzte iluntzeko 8:30ean. Bi ekimenak doakoak izango dira. Argazkian, Ander Lipus da "Errautsak" antzezlanaren aktoreetako bat / © ArteDrama.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun