Aipatu obrak azken hilabeteotan auzoko saneamenduko hodi biltzaile orokorra zaharberritzeko egiten ari diren lanen harira egingo dute. Izan ere, tokiko lurzoruaren azpian 1,2 metroko diametroa duen hodi berria ipini dute, Areetako Maximo Agirre kalean Ur Partzuergoak duen kutxatilarekin lotzen dena.
Santa Eugenia eta Kresaltsu kaleetan urte hasieraz geroztik egiten ari diren saneamendu lanak, 1.369.000 euroko aurrekontua dute eta Udal saneamendu sarea hobetzeko planaren harira egingo dituzte. Udalerriko hainbat auzotan du eragina egitasmo horrek eta bere helburu nagusia, batez ere, Gobela ibaiak gainezka egiten duenean udalerriko alde horietan jasaten duten uholde arriskua konpontzea da.
Getxoko Udalak Itzubaltzeta / Romoko Santa Eugenia kaleko atze aldean, Xake plaza ondoan dagoen aparkalekua egokitzeko lanak hasi zituen atzo, asteazkenean. Aipatu tokia, "Kabul" ezizenez ezaguna, behin behineko parkinga da, birkalifikatzeko erabakiaren zain dagoen orubea, hain zuzen ere. Atontze lanek bi hilabete inguru iraungo dute eta, horien arabera, aparkalekuak dituen 2.405 metro koadroko azalera asfaltatuko dute, 106 partzela margotu eta Xake plaza ondoko alde batean umeentzako 442 metro koadroko eta 12 aparailu izango dituen jolas-gune berria egokituko dute. 2008an, PPk bertan parkea egitea eskatu zuen. Argazkian, 2006tik Santa Eugeniako orubea bitan banatuta dago.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun