Gaur abiatuta, honakoa musika asteburu gozagarria izango da Uribe Kostan eta Erandion. Gaur bertan, 20:00etatik aurrera, McEnroe boskote getxoztarra arituko da Algortako Satistegi tabernan. Taldeak iaz kaleratutako "Tu nunca moriras" bigarren diskoa izango du hizpide, besteak beste. Gaur ere, Areetako Zehar Bide tabernan Iñigo Coppel bakarlari getxoztarrak kontzertua eskainiko du 21:30ean, "El hombre que mato a Iñigo Coppel" bigarren diskoa aurkeztuko duela. Bihar, ostiralarekin, berriz, Luppulo taldeak Erandioko The Sentinel tabernan joko du 20.30ean. Luppulo Maz Mon Kis eta Konter taldeetatik etorritako musikariek sortu dute. Ostiralarekin jarraituz, Brama hirukote bizkaitarra arituko da Sopelako La Triangu aretoan, 22:00etatik aurrera. Asteburua ixteko, Dale ke Aun Respira (DAR) eskualdeko musika taldeak "Unas pokas monedas" disko atera berria aurkeztuko du larunbatean, 20:00etan, Getxoko Txorimalo gaztetxean. Argazkian, DAR taldeko kide batzuk beren lehen diskoa aurkezten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun