Iker Beristain preso politiko algortarraren emazte Naia Kortabitarteri egin diote elkarrizketa (mp3), gaur goizean, Info7 irratiko "Kalegorrian" saioan. Euren alaba Jare jaio zenetik ezin izan dute elkarrekin egon, Laurence Le Vert epaileak eskubide hori ukatzen dielako. Magistratuak Meaux espetxeko zuzendaritzari eskatutako zehaztapenak jaso arren, "gaur bertan esan didate, atzo egon zirela berarekin eta, momentuz, ezezkoa eman duela", azaldu du Kortabitartek. Egoera hori salatzeko Beristainek eta Estatu frantsesean dauden beste bost preso politikok gose greba abiatu zuten urriaren 14ean eta gaur 21. eguna bete dute baraualdian. Algortarraren emazteak aipatu duenez, presoek “aita izateko duten eskubidea” aldarrikatu nahi dute protestaren bidez. Gaur iluntzean mobilizazioa egingo dute Algortan, Beristainen aitatasun eskubideak aldarrikatzeko. 20:00etan jarri dute hitzordua Telletxen. Argazkian, Eskumaldeko LABek deituta, presoen aldeko elkarretaratzea egin dute 50 bat lagunek eguerdian, Areetako Xake plazan. Beristainen aldeko elkarretaratzera deitu dute bertan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun