Gauza bakarra eskatzen dio frantziar estatuari: bere alaba jaioberria, Jare, ikusten huts diezaiotela. Sano oinarrizko eskaera behar luke demokrazia asmatu zuen herrian, baina egalite egia balite dio esaera zaharrak. Ikusten ez uzteko aitzakiak Oscarra merezi du efektu espezialen atalean.
Azken bederatzi hilak preso eta ustez zaintzapeko bisitetan eman duenez, umeak ezin duela berea izan. Hasieran barreak irteten zidan, baina eta hala balitz ere, zer? Familia liburuan alaba legez ageri da eta kito.
Zein gorroto motak daramatza aitari bere alaba ikuste hutsa ukatzeraino? Horregatik guztiagatik deitu gura nion idazki honi Iker Beristain.
Baina Rubalcabak uste zuen beldur ipuina hobe zezakeela. Eta politikan aritzeko eskubidearen aurkako azken otso gauean Ikerren anaia atxilotu zuten, Imanol. Bere bikotekidea, Nerea, zortzi hilabeteak igarota, umea ekartzear. Ate txikitu, armadunak oihuka, kamerak…. emagin guztiek gomendatzen dutena.
Zuek segi gorrotoa ereiten, baina ez gero guri barkamenik eskatu.
Fredi Paya bertsolari algortarrak gaur "Berria" egunkarian argitaratutako artikulua.
[© Fredi Paya - Berria.info] Errealitateak fikzioa gainditzen du, eta barne ministroek nobelagile behar lukete. Soilik nobelagile, esan gura dut. Euskaldunei buruzko eta euskaldunei gertatutako beldur ipuinak asmatzeaz gainera, egia bihurtzeko ohitura maltzurra dute eta. Meauxeko kartzelan preso daukate oso maite dudan mutil bat. Beste baterako utzi dezagun sentitzen duguna demostratzeko nahiko egiten dugun ala ez. Itsasoaren semea da, eguzkia bere buru gainean kiribiltzen da hondartza zapaltzen duenean eta aspaldi ez du hondartzarik zapaldu. Bere herria olatuak bezain aske gura zuenez, itzal bihurtu ostean, burdinez lotu zuten Pariseko gau beltz batez. Iker du izena, eta gaur, miraririk ezean, hogeita hiru egun beteko ditu gose greban.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun