Baserriko jabeak azaldutakoaren arabera, etxetik atera zenean, atea itxita eta giltza kanpoaldean ezkutatuta utzi zituen. Itzultzean, berriz, neska gaztea baserritik irteten ikusi omen zuen. Emakumeak adierazi zuen susmagarria iruditu zitzaiola eta etxebizitzaren barrualdea ikuskatu zuela, zenbait bitxi eta dirua falta zitzaiola ikusiz. Halaber, ezkutatuta utzi zuen giltza bere tokian ez zegoela ikusi zuen. Hori dela eta, Ertzaintza deitu zuela eta ustezko lapurra baserriaren barruan atxikitzen saiatu zela azaldu zien poliziei. Baserritarrak lapurretaren egile bezala identifikatu zuen Ertzaintzak atzeman zuen neska.
Hori guztia kontuan izanik, agenteek susmagarria miatu zuten eta zenbait bitxi aurkitu zizkioten jantzita zituen botinetan: perlazko lepoko bat, zilarrezko eskumuturreko bat, urrezko paparreko orratz bat, eraztun bat eta belarritakoak, Herrizaingo Sailak dioenez. Ondoren, egindako miaketa sakonago batean, ertzainek urrezko erloju bat eta 700 euro aurkitu zizkioten neskari bere arropen artean ezkutatuta. Objektu guztiak bereak zirela esan zuen baserriko jabeak. Modu honetan, Ertzaintzak 19 urteko emakumezkoa atxilotu zuten, indarrez egindako lapurrera delitua leporatuta.
Emakume gazte bat atxilotu dute Urdulizko baserri batean lapurtzea egotzita
2010ko aza. 5a, 19:14
Ertzaintzak 19 urteko emakumezko bat atxilotu zuen atzo, osteguna, Urdulizen, etxebizitza batean indarrez egindako lapurreta delitua leporatuta. Eusko Jaurlaritzako Herrizaingo Sailak zabaldutako bertsioaren arabera, baserriko jabeak harrapatu zuen gaztea, bertatik irteten, lapurturiko objektuekin: zenbait bitxi eta diruarekin, hurrenez hurren. 14:30ak aldera izan ziren gertaerak. Ertzaintzak baserriko jabearen deia jaso zuen ordu horretan, ustezko lapurra barruan atxikita zu esanez. Patruila-auto batzuk joan ziren bertara eta, baserrira iristeko bidean, poliziek emakume gazte bat ikusi zuten bidetik oinez eta presaka alde egiteko itxurarekin. Ertzainek neska geldiarazi egin zuten. Deia egin zuena bera ote zen galdetzen ari zirela, bidearen atzealdetik, baserri baten ondotik, beste emakume bat irten eta poliziei adierazi zien bera zela lapurretaren abisua eman zuena.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun